გთხოვთ დაიცადოთ…
საშა კაცმანის პოდკასტის მორიგ ეპიზოდში ტურიზმისა და ჰორეკა სექტორის აქტუალურ გამოწვევებზე, ფასებისა და ხარისხის შეუსაბამობაზე, სერვისის პრობლემებსა და ქვეყნის სწორ პოზიციონირებაზე ძალიან საინტერესო დისკუსია შედგა.
გადაცემა „კაცმანის პოდკასტის“ სტუმრები იყვნენ ინდუსტრიის წამყვანი ექსპერტები, საერთაშორისო მასშტაბის ქართველი ოტელიერები და საკონსულტაციო კომპანია Hospitality Projects-ის თანადამფუძნებლები ვალერი ჩეხერია და ლევან ბერულავა.
გთავაზობთ ვალერი ჩეხერიას საგულისხმო ციტატას პოდკასტიდან, რომელიც ზუსტად ასახავს იმ რეალობას, რომლის წინაშეც დღეს ქართული ბიზნესი და კერძოდ, მასპინძლობის ინდუსტრია დგას:
„ჩვენი ქვეყანა არის ძვირი, თუმცა არ არის „ლაქშერი“ ქვეყანა. მასპინძლობა აღარ არის იაფი საქართველოში, თუმცა არც „ლაქშერია“. საქართველოში ჩამოსვლა არ არის მარტივი — შემოსული ტურისტების 70% სახმელეთო საზღვრით შემოდის და მხოლოდ 30% მოდის საჰაერო გზით. ჩვენთან უფრო მეზობელი ქვეყნებიდან დადიან, იმიტომ რომ ფრენა არ არის მარტივი და არ გვაქვს ბევრი პირდაპირი რეისი. ადამიანს გადაჯდომებით ჩამოსვლა არ უღირს და ირჩევს ისეთ ლოკაციას, სადაც უფრო მარტივად მოხვდება.
ყოველთვის მქონდა იდეა, რომ თუ ადამიანი ამერიკიდან ჩამოდის და 15 საათი უნდა იფრინოს, მაშინ იქნებ საქართველო, სომხეთი და აზერბაიჯანი ერთად ვანახოთ და ერთიან პაკეტად შევთავაზოთ, რაც რეგიონს უფრო მიმზიდველს გახდის. ევროპაში ერთ ჩასვლაზე შეიძლება 5 ქვეყანა ნახო; ასეთი შეთავაზება ძალიან საინტერესოა ამერიკელი, ავსტრალიელი თუ იაპონელი ტურისტისთვის — მათ სამი სხვადასხვა კულტურის ქვეყნის მონახულება სურთ. პროცესები აქეთკენ უნდა წავიდეს და გარდაუვალია, რომ ასე არ მოხდეს. ჩვენი მეზობლებისთვის საქართველო ასოცირდებოდა სიმარტივესთან და სიიაფესთან, რაც, სამწუხაროდ, ასე აღარაა.
რამდენიმე დღის წინ ჩამოვედი ბაქოდან და იქ საშუალო ჩეკი ბევრად იაფია, ვიდრე საქართველოში. სასტუმროს ფასები არ გაზრდილა, თუმცა საკვების ფასი არარეალურადაა მომატებული. რიკოთზე, ერთ-ერთ კვების ობიექტში, ორ კიტრში 36-ლარიანი ჩეკი მოგვივიდა, მაშინ როდესაც სალათი 16 ლარი ღირს, რაც აბსოლუტურად არალოგიკურია. ამიტომ მივედით ფასისა და ხარისხის შეუსაბამობამდე.
პანდემიის მერე სტუმარმასპინძლობის სექტორისგან სიახლეებს ელოდნენ. ხალხს უნდოდა ახალი პროდუქტი: ეკოლოგიურად სუფთა, განსხვავებული, ახალი მენეჯმენტით და ახალი შეთავაზებებით. სამწუხაროდ, ეს ვერ მოხდა — ახალი პროდუქტი ქვეყანაში არ შექმნილა, რაც იყო, ის დარჩა.
ძალიან მნიშვნელოვანია ქვეყნის სწორი პოზიციონირება: სად მივდივართ, რომელი ტურისტი გვჭირდება, ვინ არის ჩვენი სამიზნე აუდიტორია და ტურიზმის განვითარების როგორი მოდელი გვინდა, რომ არსებობდეს. ჯერ ამის ხედვა გვჭირდება, რის შემდეგაც ბიზნესისა და სახელმწიფოს ერთობლივი მუშაობის ნაწილია, თუ როგორ განავითარებ ამ მოდელს და როგორ მიიყვან მიზნამდე - საიდან დაინიშნება პირდაპირი ფრენები და სად წაიყვან ტურისტს, როცა ქვეყანაში ჩამოვა. კამპანიას „იმუშავე საქართველოდან“ ხომ ვაპიარებდით? იმიტომ, რომ, მაგალითად, ფილმის გადაღება აქ უფრო იაფი ჯდებოდა, თუმცა დღეს ეს ასე აღარაა და შეიძლება ბერლინში გაცილებით იაფად ამუშაო მთელი გუნდი, ვიდრე საქართველოში.“
კეთილი იყოს თქვენი მობრძანება Horeca Georgia-ს ახალ რუბრიკაში „თბილისური ნომრები“, სადაც მე-18 და მე-19 საუკუნეების საქართველოს სტუმარმასპინძლობის მივიწყებულ ისტორიებს გავაცოცხლებთ. ჩვენ ერთად შევაღებთ ძველი ქარვასლებისა და კავკასიის პირველი ფეშენებელური ევროპული სასტუმროების კარებს, რათა აღმოვაჩინოთ ეპოქალური ბიზნეს-მოდელები, უნიკალური სერვისის ტრადიციები და ბოჰემური თბილისის შარმი. საარქივო მასალებზე, რეალურ ფაქტებსა და ისტორიულ ლეგენდებზე დაყრდნობით, ნაბიჯ-ნაბიჯ თვალს მივადევნებთ, თუ როგორ იქმნებოდა და ვითარდებოდა ადგილობრივი ჰორეკა-ინდუსტრია.
რუბრიკაში "ასე დაიწყო ყველაფერი", Horeca Georgia გიამბობთ ჩვენს სექტორში არსებულ პოპულარულ და შედარებით ნაკლებად ცნობილ ბრენდებზე, მათი დაფუძნების ისტორიასა და დამფუძნებლების ანტრეპრენერულ თავგადასავლებზე.
ზაფხულის სეზონის მოახლოებასთან ერთად, აჭარის ტურისტულ ჰაბში სიახლეებია. მიმდინარე სეზონზე ბათუმის პლაჟებზე შეზლონგებისა და ქოლგების იჯარის ფასი 5 ლარიდან 10 ლარამდე იზრდება.
