გთხოვთ დაიცადოთ…
საქართველოს კულინარიული კალენდრის ერთ-ერთი ყველაზე მასშტაბური მოვლენა ბრუნდება. 31 მაისიდან 7 ივნისის ჩათვლით, ქვეყანა საერთაშორისო გასტრონომიულ ფესტივალს - Tbilisi Gastro Week 2026-ს უმასპინძლებს.
საიუბილეო, მეხუთე სეზონი წელს მკვეთრად გაზრდილი მასშტაბით, გაორმაგებული პროგრამითა და ახალი ლოკაციებით წარდგება, რომელიც თბილისთან ერთად კახეთის რეგიონსაც მოიცავს.
პროექტის ავტორისა და ორგანიზატორის, ირაკლი ნადარეიშვილის განცხადებით, წლევანდელი კვირეული როგორც ხანგრძლივობის, ისე აქტივობების თვალსაზრისით უპრეცედენტოა. თუ გასულ წლებში ფესტივალი 6 ძირითად ღონისძიებას აერთიანებდა, წელს სტუმრებს 8 დღის განმავლობაში 12 სხვადასხვა ფორმატის ივენთი ელოდებათ.
მთავარი სიახლე: ქართული და ევროპული ღვინის პარიტეტი
Tbilisi Gastro Week 2026-ის ერთ-ერთი უმნიშვნელოვანესი სიახლე პროგრამაში ღვინის კომპონენტის გაძლიერებაა. წელს ფესტივალის ოფიციალური პარტნიორი ღვინის ეროვნული სააგენტო გახდა.
საერთაშორისო ასპარეზზე ქართული ღვინის პოპულარიზაციისთვის პროექტის ფარგლებში საქართველოს მსოფლიო დონის ექსპერტები ეწვევიან. მათ შორის არის პარიზის ლეგენდარული სასტუმრო „რიცის“ (Ritz Paris) სომელიეთა დირექტორი და კოდ-დ'აზურის სომელიეთა ასოციაციის პრეზიდენტი, ფლორიან გიოტო. ის ქართველ ღვინის ექსპერტთან, ანა გოდაბრელიძესთან ერთად, კვირეულის განმავლობაში გამართულ ვახშმებზე მაღალი კლასის ქართულ და ევროპულ ღვინოებს წარადგენს.
„წელს პირველად შემოგვაქვს უმაღლესი კლასის ევროპული ღვინოები და მათ პრეზენტაციას ქართული ღვინის პარალელურად მოვახდენთ. ამ ნაბიჯით გვინდა ხაზი გავუსვათ, რომ ქართული ღვინო ევროპულის თანასწორია. ევროპაში ჩვენი პროდუქციის მიმართ ინტერესი მკვეთრად იზრდება და ეს კოლაბორაციაც კიდევ ერთხელ დაამტკიცებს ქართული მეღვინეობის უნიკალურობას“, - აღნიშნავს ირაკლი ნადარეიშვილი.
„მიშლენის თანავარსკვლავედი“ საქართველოში
წლევანდელი გასტროკვირეული გამორჩეულია მსოფლიო დონის შეფ-მზარეულების სტუმრობით. თბილისს ეწვევა:
• ჟაკ პურსელი - ლეგენდარული ფრანგი შეფი, 3 მიშლენის ვარსკვლავის მფლობელი, რომელიც სასტუმრო „პარაგრაფში“ სტეფან გორტინასთან ერთად უმასპინძლებს გურმანებს.
• ტაკაჰიკო კონდო - ფლორენციის ცნობილი რესტორნის, „გუჩი ოსტერიას“ (Gucci Osteria) იაპონელი შეფ-მზარეული.
• ვასკო კოელიო სანტოსი - აღიარებული პორტუგალიელი შეფი.
უცხოელი ვარსკვლავები საფესტივალო დღეებში ადგილობრივ შეფებთან ერთად უნიკალურ კულინარიულ კოლაბორაციებს შემოგვთავაზებენ. ირაკლი ნადარეიშვილი გასტრონომიის სფეროს თანამედროვე ტენდენციებს 90-იანი წლების მოდის ინდუსტრიას ადარებს:
„გასტრონომიის სექტორი ახლა საოცრად მზარდ ფაზაშია. თუ 90-იან წლებში სუპერმოდელები ხდებოდნენ მსოფლიო ვარსკვლავები, დღეს ეს სტატუსი შეფ-მზარეულებმა მოიპოვეს. ამიტომ, მათი ვიზიტი საქართველოში უმნიშვნელოვანესი მოვლენაა, რაც ერთობლივი ძალისხმევით ემსახურება ჩვენი ქვეყნის საერთაშორისო პოპულარიზაციას“.
რა ელოდებათ სტუმრებს?
Tbilisi Gastro Week-ის ფარგლებში დაგეგმილია მრავალფეროვანი აქტივობები:
• Gastro Wine Talks - დისკუსიები და შეხვედრები სფეროს პროფესიონალებისთვის;
• პროფესიონალური მასტერკლასები წამყვანი შეფებისგან;
• კულინარიული კოლაბორაციები თბილისსა და კახეთში;
• გრანდიოზული გალა ვახშამი, სადაც ქართველი და მოწვეული შეფები სპეციალურად ამ დღისთვის შექმნილ ერთობლივ მენიუს წარადგენენ.
წყარო: BM.GE
რუბრიკაში "ასე დაიწყო ყველაფერი", Horeca Georgia გიამბობთ ჩვენს სექტორში არსებულ პოპულარულ და შედარებით ნაკლებად ცნობილ ბრენდებზე, მათი დაფუძნების ისტორიასა და დამფუძნებლების ანტრეპრენერულ თავგადასავლებზე.
კეთილი იყოს თქვენი მობრძანება Horeca Georgia-ს ახალ რუბრიკაში „თბილისური ნომრები“, სადაც მე-18 და მე-19 საუკუნეების საქართველოს სტუმარმასპინძლობის მივიწყებულ ისტორიებს გავაცოცხლებთ. ჩვენ ერთად შევაღებთ ძველი ქარვასლებისა და კავკასიის პირველი ფეშენებელური ევროპული სასტუმროების კარებს, რათა აღმოვაჩინოთ ეპოქალური ბიზნეს-მოდელები, უნიკალური სერვისის ტრადიციები და ბოჰემური თბილისის შარმი. საარქივო მასალებზე, რეალურ ფაქტებსა და ისტორიულ ლეგენდებზე დაყრდნობით, ნაბიჯ-ნაბიჯ თვალს მივადევნებთ, თუ როგორ იქმნებოდა და ვითარდებოდა ადგილობრივი ჰორეკა-ინდუსტრია.
კეთილი იყოს თქვენი მობრძანება Horeca Georgia-ს ახალ რუბრიკაში „თბილისური ნომრები“, სადაც მე-18 და მე-19 საუკუნეების საქართველოს სტუმარმასპინძლობის მივიწყებულ ისტორიებს გავაცოცხლებთ. ჩვენ ერთად შევაღებთ ძველი ქარვასლებისა და კავკასიის პირველი ფეშენებელური ევროპული სასტუმროების კარებს, რათა აღმოვაჩინოთ ეპოქალური ბიზნეს-მოდელები, უნიკალური სერვისის ტრადიციები და ბოჰემური თბილისის შარმი. საარქივო მასალებზე, რეალურ ფაქტებსა და ისტორიულ ლეგენდებზე დაყრდნობით, ნაბიჯ-ნაბიჯ თვალს მივადევნებთ, თუ როგორ იქმნებოდა და ვითარდებოდა ადგილობრივი ჰორეკა-ინდუსტრია.
